news
कास्की आदर्श समाज कतारको २४औँ स्थापना दिवस जुलाई ३१ मा, सम्पूर्ण कस्केली समुदायलाई उपस्थितिको आग्रह
कास्की आदर्श समाज कतारको २४औँ स्थापना दिवस जुलाई ३१ मा, सम्पूर्ण कस्केली समुदायलाई उपस्थितिको आग्रह
दोहा, कतार । कास्की आदर्श समाज कतारले आफ्नो २४औँ स्थापना दिवसको अवसरमा विशेष कार्यक्रम आयोजना गर्ने भएको छ। आगामी ३१ जुलाई २०२६ (शुक्रबार) आयोजना हुने उक्त कार्यक्रममा दोहा तथा आसपासमा बसोबास गर्ने सम्पूर्ण कस्केली समुदायलाई सादर उपस्थितिका लागि आग्रह गरिएको छ।
समाजले जारी गरेको सूचनाअनुसार कार्यक्रममा संस्थाका संरक्षक संयोजक, संरक्षकहरू, संस्थापकहरू, प्रमुख सल्लाहकार, सल्लाहकारहरू, गण्डकी प्रदेश तथा गण्डकी प्रदेशअन्तर्गतका जिल्ला संस्थाका प्रमुखहरू, पूर्व पदाधिकारी तथा सदस्यहरू, पूर्व सल्लाहकारहरू, कास्की आदर्श समाजअन्तर्गतका शाखा संस्थाका प्रमुख तथा कार्यसमितिका सदस्यहरू, साथै संस्थाका सम्पूर्ण पदाधिकारी, आजीवन, मानार्थ तथा साधारण सदस्यहरूको उल्लेखनीय सहभागिता रहने अपेक्षा गरिएको छ।
यसैगरी, कतारमा रहनुभएका सम्पूर्ण कस्केली दाजुभाइ तथा दिदीबहिनीहरूलाई कार्यक्रममा सहभागी भई स्थापना दिवसलाई सफल बनाउन समाजले हार्दिक अनुरोध गरेको छ।
कार्यक्रम ३१ जुलाई २०२६, शुक्रबार बेलुका ६:०० बजेदेखि सुरु हुनेछ। कार्यक्रमको स्थल नमस्ते एशिया रेस्टुरेन्ट, सनैया–२, BMW शो-रुमको ठीक अगाडि तय गरिएको समाजका अध्यक्ष अग्निधर देवकोटाले बतायका छन ।
कास्की आदर्श समाज कतारले २४ वर्षदेखि कतारमा रहेका नेपाली समुदायबीच सामाजिक एकता, आपसी सद्भाव तथा सांस्कृतिक पहिचानलाई सुदृढ बनाउन निरन्तर भूमिका निर्वाह गर्दै आएको छ। समाजले स्थापना दिवसको अवसरमा आयोजना गरिएको यस विशेष कार्यक्रममा सबैको गरिमामय उपस्थितिले कार्यक्रमलाई थप भव्य र स्मरणीय बनाउने विश्वास व्यक्त गरेको छ।
